NGUVU YA UUMBAJI

Na Bishop Dankton Rudovick Rwekila

Mwanzo 1:27-29

Mwanadamu aliumbwa kwa mfano wa Mungu maana yake vile ambavyo Mungu yupo ndivyo tulihitajika kuwa kama watoto wa Mungu.

Asili yako siyo kutawaliwa bali ni kutawala kuna namna ambavyo shetani ilitubadilishia matumizi ya asili yetu. Ndiyo maana kuna madhara ambayo kama mwanadamu yamekupata kwasababu ya kubadilishiwa asili yako . Asili ya Mungu ni kuwa navyo vyote maana yake Mungu aishiwi wala kupungukiwa na chochote . Unapoita nguvu ya uumbaji maana yake unawakilisha Mungu Baba, Mwana na Roho Mtakatifu, unasema nasema kitu gani , Cheki kile kitabu cha Yohana 1:1 na Mwanzao 1:1-2, Utaona namna ambavyo Mungu aliumba ulimwengu na Roho ya Mungu alitulia juu ya vilindi vya maji Biblia inasema  *“juu ya uso wa vilindi vya maji; Roho ya Mungu ikatulia juu ya uso wa maji.”*

              

Ukiwa na Nguvu ya uumbaji utaweza kuumba mikono yako iliyopotea na utatawala tena na  kumilika sawa sawa na neno la Bwana Mwanzo 1:28. Maandiko yako wazi kabisa kwamba utakapo kany’anga utapamiliki na kupatawala , sasa yupo adui ambaye amekubadilishia matumizi ya miguu yako ya awali badala ya kumiliki na kutawala unatawaliwa ndo maana nguvu ya uumbaji ni maharifa ambayo Mungu ameachilia ili uweze kuumbwa upya.

Kuna namna Shetani amebadilisha  malango yako ya Baraka iwe ni kinywa, miguu au mikono Shetani amevichezea na ndio maana badala ya kumiliki unamilikiwa.

 Efeso 3:16-20

        Siongelei uumbaji wa nje naongelea uumbaji wa ndani ambao Yesu alikupokufa na kufufuka  alitukomboa kutoka kwenywe utu wa nje. Naongelea uumbaji wa ndani, Biblia inasema nitabadilisha moyo wa jiwe na kukupa moyo wa nyama. Maana yake unapewa moyo mpya moyo wa ndani. Napoongelea uovu siongelei matokeo ya nje naongelea matokeo yale ya ndani kabla haujawaza ndani ya moyo wako. Ndio maana unapo zaliwa mara ya pili ili si katika mwili wako, ndugu zako,wazazi, mme wako au mke wako awawezi kujua ili maana ni kitu cha ndani kati yako wewe na Mungu anayoachilia hiyo nguvu ya uumbaji juu yako.Naongelea kitu ambacho jirani yako hawezi kukiona kwa  macho ya damu na nyama. 

Baraka zako ziko kwenye utu wako wa ndani amabo ndio unabadilishwa wale siyo nje. Tunachokiona nje ni matokeo ya Baraka zako kutoka ndani yako. Tizama kie kitabu cha 3 Yohana 1:2  Mpenzi naomba ufanikiwe katika mambo yote na kuwa na afya yako, kama vile roho yako ifanikiwavyo. 

Roho ndiyo ya kwanza kufanikiwa, maana ndiyo inayobeba matokeo ya nje. Kitu cha kwanza unapopokea nguvu ya uumbaji ni kurudi kwenye kusudi la Mungu alilokupa. Maana yake unautafuta kwanza ufalme wa Mungu na kisha hayo mengine ambayo yanatamaniwa Mungu atakuzidishia.

Kumbuka hili, Roho Mtakatifu awezi kuachilia Nguvu yake ya uumbaji ndani yako kama kusudi lako siyo kujenga ufalme wa mbinguni.

Ukisoma *Waefeso 3:20* maandiko yanasema kuliko yale tuyawazayo, MAANA YAKE ZAIDI YA YALE AMBAYO UNAOMBA WEWE Mungu anaweza kukupa Zaidi ya hayo.

Ngoja nikuambie jambo moja unaporudi kwenye kusudi la Mungu siyo kila mara kile ambacho unaomba Baba atakupa, kuna mengine hatakupa. Unasema nasema kitu gani, Wakati Yesu alipokuwa katika mwili kuna jambo aliomba kwa Baba na baba akanyamaza kimya kwasababu hayakuwa mapenzi yake Luka 22:42. Badala yake alitiwa nguvu katika kikinywa kile kikombe. Hivyo hivyo na wewe kuna mengine unaweza kuomba na usipewe lakini Bwana akakutia nguvu na ujasiri kuyakabili. Luka 22:43

Utu wa ndani ukikarabatiwa matokeo ya nje yataonekana Dhahiri. Ndoto zako zinaweza kutimia kama utu wa ndani umefunyagwa upya, na tena zitatimia Zaidi ya hizo ulizoziona.

Suleimani aliomba hekima ya ndani ili aweze kuwahukumu watu wa Mungu lakini badala yake Mungu alimshushia na utajiri na maandiko yanasema wala hakuna mfalme aliyekuwa tajiri kama Suleimani.

Kama wewe ungelikuwa mfalme yamkini ungeambiwa omba lolote ungelenga utu wa nje yaani vitu vinavyoonekana tayari. Unasema nasema kitu gani?, kama una kijana kwenye mtaa wako na anaitaji kuoa muulize kwanini anataka kuoa au kuolewa? Jibu lake litakuwa raisi sana kama ameokoka atakuambia anataka kuoa ili asije kutenda dhambi. Inawezekana kabisa hata wewe wakati unaoa au kuolewa uliwaza hilo, lakini sijui kama umewahi kuwaza siku mwenzi wako akipatwa na ugonjwa ghafla amelala kitandani kwa miaka kadhaa kwamba itakuwaje, je itakuwa sababu ya wewe kuoa tena au utamsubiri apone. Ndoa ni Zaidi ya tamaa za mwili wako au heshima kwenye mtaa wako ni Zaidi ya watoto.

Ndoa ni hatua ya utumishi ambao Mungu ametupa. Sijajua kama uliwahi kulitazama ili kwa utu wa ndani kidogo. Uliwahi kujiuliza kwanini mke wako ni msaidizi wako. Maana yake kuna vitu ambavyo msaidizi  amebeba ambavyo wewe uwezi kubeba. Na Baba ambaye ni kichwa maana yake kuna vitu ambavyo baba anaviona kama kichwa ili kuongoza vizuri kwa macho ya ndani kuna namna ambavyo Roho ameviumba na kuweka ndani yake kama kichwa.

Sasa lazima Roho atengeneze utu wa ndani ili agano ilo la utumishi liweze kusimama ndani yenu. Kuna mambo mengine ambayo Biblia imesema kwa upande mmoja na yana nguvu sana kwa mfano Biblia inasema juu ya mwanamke mpumbavu uivunja ndoa yake kwa mikono yake mwenyewe Mithali 14:1. Sasa hakuna mahala kwenye maandiko mwanaume ameandikiwa hivyo, maana yake kuna namna mwanamke anatakiwa kusimama katika eneo lake na kuhakikisha analinda kile kitu cha ndani yake. Ni lazima uumbaji upite ndani yako ili kukuumba upya utu wako wa ndani.

Kama maandiko yanasema nitabariki kazi za mikono yako, kama mikono yako imeibiwa hata upate billioni moja itapotea tu kwenye hiyo mikono. Hivyo basi nilazima nguvu ya uumbaji iingie kazini ili uweze kupokea kile ambacho kiliharibika na kubadilishiwa matumizi yake ya asili.

Nguvu ya uumbaji inapopita ndani yako hakuna kitu chochote kitakachokuzuia kusudi la Mungu ndani yako lisitimie. Kama Mungu akuzuilika wewe kama mtoto wake auwezi kuzuilika kamwe. Mwazo 1:3-25

Namna pekee ya kumuondoa Shetani katika maisha yako ni kuachilia nguvu ya uumbaji, hakuna bahari ya Shamu itakayokuzuia kuvuka maana nguvu ya uumbaji iliyoumba maji inaweza kufanya maji kuondoka na njia ikatokea.

Namna pekee ya kukomboa ardhi iliyolaaniwa ni kuachilia nguvu ya uumbaji na hakuna namna nyingine . Pepo linaweza kukaa mahali hapo.

Matendo 1:8

Ili kushuhudia kilicho ndani yako lazima uwe na Nguvu ya Roho Mtakatifu. Ndiyo maana hata wakati wa kuomba upinzani wako upo ndani yako, kwenye utu wako wa ndani wala siyo nje yako. Mwili wako unashindana na kitu cha ndani kabisa Roho yako.

MAOMBI.

Ingia kwenye maombi ya toba kwaajili yako.

Omba nguvu ya uumbaji katika maeneo tofauti tofauti kwenye maisha yako ili Roho Mtakatifu aweze kuingia kati na kuumba upya.

Achilia Damu ya Yesu ya kunyunyiza juu ya ardhi unayokanyanga. Waebrania 12:24

Komboa Mikono yako na hakikisha unaomba nguvu ya uumbaji juu ya mikono yako ili Bwana akuumbe upya.

Mpango wa Kusoma Biblia kwa Mwaka Mmoja (1)

Wiki ya Tisa Siku ya Ijumaa

BishopDankton Rudovick Rwekila

Power of God Fire Church .

Chanika Buyuni,  P. O. Box 1556,

 Dar es Salaam, Tanzania

Telephone: + 255 753 230 680   + 255 767 677 676  

www.powerofgodfirechurch.blogspot.com